Home News TMA YATOA TAHADHARI YA UJIO WA MVUA KUBWA

TMA YATOA TAHADHARI YA UJIO WA MVUA KUBWA

678
0
DSC_0021
Mkurugenzi Mkuu wa Mamlaka za Hali ya Hewa Tanzania (TMA), Dk. Agnes Kijazi (kushoto) akizungumza na wanahabari (hawapo pichani) alipokuwa akitoa uchambuzi wa mwenendo wa mifumo ya hali ya hewa na mwelekeo wa mvua za msimu kwa maeneo yanayopata msimu mmoja wa mvua, kipindi cha miezi ya Novemba, 2018 hadi Aprili, 2019 leo jijini Dar es Salaam. Kulia ni Mkurugenzi wa Utabiri TMA, Dk. Hamza Kaberwa (kulia). 

 

DSC_0015
Mkurugenzi Mkuu wa Mamlaka za Hali ya Hewa Tanzania (TMA), Dk. Agnes Kijazi (katikati) akizungumza na wanahabari (hawapo pichani) alipokuwa akitoa uchambuzi wa mwenendo wa mifumo ya hali ya hewa na mwelekeo wa mvua za msimu kwa maeneo yanayopata msimu mmoja wa mvua, kipindi cha miezi ya Novemba, 2018 hadi Aprili, 2019 leo jijini Dar es Salaam. Kulia ni Mkurugenzi wa Utabiri TMA, Dk. Hamza Kaberwa (kulia) na Kaimu Mkurugenzi wa Utabiri, Samwel Mbuya (Kushoto) wakifuatilia. 

 

DSC_0020
Mkurugenzi Mkuu wa Mamlaka za Hali ya Hewa Tanzania (TMA), Dk. Agnes Kijazi (kulia) akizungumza na wanahabari (hawapo pichani) alipokuwa akitoa uchambuzi wa mwenendo wa mifumo ya hali ya hewa na mwelekeo wa mvua za msimu kwa maeneo yanayopata msimu mmoja wa mvua, kipindi cha miezi ya Novemba, 2018 hadi Aprili, 2019 leo jijini Dar es Salaam. Kushoto ni Kaimu Mkurugenzi wa Utabiri, Samwel Mbuya akifuatilia. 


DSC_0003
Sehemu ya wajumbe wa Bodi ya Wakurugenzi ya TMA ikifuatilia mkutano huo na wanahabari.(PICHA KWA HISANI YA THEHABARII)

Na Mwandishi Wetu

MAMLAKA ya Hali ya Hewa nchini (TMA) imetoa uchambuzi wa mwenendo wa mifumo ya hali ya hewa na mwelekeo wa mvua za msimu kwa maeneo yanayopata msimu mmoja wa mvua, katika kipindi cha miezi ya Novemba, 2018 hadi Aprili, 2019.

Akizungumza na wanahabari leo jijini Dar es Salaam, Mkurugenzi Mkuu wa TMA, Dk. Agnes Kijazi amesema Mvua zinatarajiwa kuwa za juu ya wastani hadi wastani katika maeneo mengi ya mikoa ya Dodoma, Singida, Tabora, Mbeya, Njombe, Iringa, Ruvuma, kusini mwa mkoa wa Morogoro, Lindi na Mtwara.

Alisema maeneo ya mikoa ya Kigoma, Katavi, Rukwa na Songwe yanatarajiwa kupata mvua za wastani hadi juu ya wastani, huku vipindi vingi vya mvua vikitarajiwa nusu ya kwanza ya msimu wa Novemba, Desemba, Januari, Februari, Machi na Aprili, 2018/19 na kupungua nusu ya pili ya msimu huo.

“Mvua zinatarajiwa kuanza katika wiki ya kwanza na ya pili ya mwezi Novemba, 2018 katika mikoa ya Kigoma na Katavi na wiki ya tatu na ya nne katika maeneo mengine yaliyosalia. Mvua zinatarajiwa kuisha katika wiki ya nne ya mwezi Aprili, 2019 katika maeneo mengi yanayopata msimu mmoja wa mvua,” alisema Dk. Kijazi.

Aidha, kutokana na mvua za vuli katika maeneo hayo ametoa ushauri na tahadhari kwa wadau wa sekta mbalimbali wanaotumia taarifa za hali ya hewa katika utekelezaji wa majukumu yao kama vile Kilimo na Usalama wa Chakula, Mifugo na Wanyamapori, Maliasili na Utalii, Uchukuzi na Mawasiliano, Nishati na Maji, Mamlaka za Miji, Afya pamoja na Menejimenti za Maafa.

Aliongeza kuwa mwelekeo wa mvua za msimu kwa maeneo yanayopata msimu mmoja wa mvua kwa mwaka Kilimo, Mifugo, Uvuvi na Wanyamapori Katika kipindi cha mvua za ‘Msimu’ (Novemba hadi Aprili) 2018/19, hali ya unyevunyevu wa udongo kwa ustawi wa mazao na upatikanaji wa chakula cha samaki vinatarajiwa kuimarika katika maeneo mengi.

Hata hivyo, alibainisha kuwa mazao yasiyohitaji maji mengi, kama vile mahindi, maharage na mtama, yanaweza kuathiriwa na hali ya unyevunyevu wa kupitiliza na maji kutuama.

“…Magonjwa ya wanyama na uharibifu wa miundombinu ya kilimo na ile ya kufugia samaki vinaweza kujitokeza kutokana na mvua za juu ya wastani zinazotarajiwa katika maeneo hayo. Kwa upande mwingine, malisho na upatikanaji wa maji kwa ajili ya mifugo na wanyama pori vinatarajiwa kuwa vya kuridhisha katika maeneo mengi,” aalisisitiza katika taarifa yake.