Dalili 9 za msichana unayepaswa kumuoa - The Choice

Dalili 9 za msichana unayepaswa kumuoa

0

Umeshapata mwanamke unayefikiria kumuoa? Pamoja na kwamba kila mwanaume ana vigezo vyake anavyotumia kutafuta jiko, kuna mambo muhimu ya kuzingatia kwa kila mmoja.

Angalia dalili hizi 9 za mwanamke ambaye unaweza kumuoa

1. Anakupa changamoto kwa namna unavyofikiria

Kama unataka kutumia maisha yako yote na mtu fulani, ni muhimu kwamba unampata mtu ambaye anaweza kukupa changamoto kwa namna unavyofikiri. Muonekano ni vitu vya muda, lakini tabia ni kitu kinachodumu – mazungumzo yenu yanatakiwa kuvutia, ya kueleweka na ya kina. Mwenza wako anapaswa kuhoji mtazamo wako, kufungua fikra zako kukupa mawazo na mitazamo mipya.

2. Ana msimamo kihisia

Mwanamke utakayemuoa ni lazima awe na msimamo, na sio wa kubadilika. Ukihangaika kubashiri mood na mrejesho wa mwenza wako, unaweza kujikuta ukibeba mzigo wa mood zake mwenyewe. Mwenza wako hapaswi kubadilika kuwa mtu mgumu baada ya kuwa naye pamoja kwa miezi michache; wanapaswa kuwa waaminifu kuhusu hisia zao.

3. Anajali

Unapooa mtu, ni lazima uhakikishe kuwa wanaonesha kujali na kutoa support kwa wengine na matatizo yao, yakiwemo yako. Utakuwa na siku mbaya na utajisikia kukasirika na mwenza wako anatakiwa kuweza kukusupport na kukuelewa katika nyakati hizi.

4. Ni mwaminifu kwako na kwa wengine

Uaminifu ni kitu muhimu kwenye uhusiano utakaodumu; kama humuanimi mwenza wako, unawezaje kumuambia chochote kwa kujiamini, au kuamini chochote anachokuambia? Tafuta mtu anayeweza kukuheshimu vya kutosha kuweza kuwa mwaminifu kwako hata kama ni ngumu kwake.

5. Ana ndoto na matamanio

Pamoja na kuweza kuunga mkono ndoto na malengo yako, mwanamke unayemuoa lazima awe na ndoto na matamanio pia. Ataangalia maisha yake ya baadaye na kupanga jinsi ya kuboresha maisha yake, na sio kukutegemea wewe kwa maisha mazuri na yaliyokamilika.

6. Anajikita katika kujiboresha mwenyewe

Pamoja na kuwa na matamanio, mwenza wako wa maisha anatakuwa kuwekeza katika kujiimarisha mwenyewe. Hii inamaanisha kuwa hatokuwa akikutegemea sana na anaweza kujitegemea mwenyewe.

7. Havutiwi na wivu wa kijinga

Wivu ni kawaida kwenye uhusiano, lakini mwanamke utakayemuoa, anatakiwa kujiamini vya kutosha kwake na kwako hivyo hana haja ya kuwa na wivu. Hapa kuna suala pia la kukuamini; ni lazima aweze kukuamini vya kutosha kuweza kukupa uhuru wako.

8. Anaweka jitihada kwako

Uhusiano wa afya na imara, hujikita katika kutoa na sio kuchukua. Ukimuona mwenza wako akiwa na furaha kunakupa furaha pia, na yeye pia anapaswa kukufanyia hivyo. Furaha yako inapaswa kuwa furaha yake pia – inaweza kuwa rahisi kama kukuuliza umeshindaje au kukuangalia wakati unaumwa. Muda unavyoenda, ule mzuka wa mwanzo wa uhusiano hupita, lakini wote mnapaswa kujikita katika kujipa furaha.

9. Anakuhamisisha kuwa mtu mwema

Kuvutiwa na mpenzi wako na mtazamo wako, kunapaswa kukuhamasisha kuwa mtu mwema. Kuanzia kwenda gym au kujitolea kwenye mambo ya kijamii, ni lazima utake kuwa mtu bora kwake na kwako pia.

Share.

About Author